عندك هدف طب هو ايه ؟

من القلب النابض ** إسلام محمد محمود **

عندك هدف؟؟
كتير منكم طبعا هيستغرب السؤال و يقول..اكيد طبعا عندى هدف
لا يا جماعه خدوا بالكم الاف من الشباب عندهم احلام.. مجرد احلام
يعنى مثلا
نفسى يكون عندى شركه دعايه....ده حلم
نفسى اكون معيد فى كليتى....برضه ده حلم
نفسى اسافر و الف الدنيا.... كمان ده حلم
طيب ازاى نحول الحلم ده لهدف
اقولكم
علشان يبقى الحلم هدف يبقى لازم:
* يكون محدد
* يكون موضوعى
* يكون قابل للقياس
* يكون محدد بمده زمنيه محدده
يعنى مثلا "نفسى اسافر و الف الدنيا" علشان يبقى هدف يكون كده " انا خلال 4 سنين "مده محدده" لازم اكون زرت"محدد" 3 بلاد"قابل للقياس" و علشان احقق ده لازم احوش من دلوقت كل شهر 150 جنيه"موضوعى"
دلوقت بس تقدر تقول.. و بعلو صوتك
انا عندى هدف
قال رسول الله(ص) " لو تعلقت همة احدكم بالثريا لنالها" صدق رسول الله
يعنى لو واحد عاوز اى حاجه و مصر عليها و بيسعى بجد ليها .. هيوصلها
ده سنه الله فى الكون

شارك برأيك ... شارك بحلمك